السلام عليكم ورحمة الله وبركاته
هذا أول موضوع انزله في هذا القسم الطيب وان شاء الله ألقى منكم تجاوب معاه
ندخل فالموضوع على طول ، اليوم رحت أعظم الاجر لواحد أبوه متوفي قدمت له التعازي ويلست حالي حال الناس الموجوده ، وانا يالس الاحظ فلان وعلان من الناس الا ثنين ويا بعض يالسين آخر المجلس و طاقينها سوالف وغيرهم ضحك والثالث واقف عند الباب الا يدخن والا يسأل عن الحال وغيرهم الكثير وهلما جرى .
وقتها تذكرت عزاء يدي الله يرحمه وكانو ناس من الاهل للاسف يقومون بنفس هالحركات من سوالف بصوت عالي وضحك وغشمرة ويا ريتهم صغار فالسن الا كل واحد شكبره وعود ويفهم في هاللحظة كان ودي أروح وازفهم من القهر اللي فيني أحنا يالسين في عزا وانتو طاقينها سوالف وضحك كلش الوضع ما يسمح بهذا الشي اللي تقومون به.
المغزى من هذا الكلام كله ان لكل مجلس آدابه وهذا يعتبر مجلس للعزاء والتعبير عن الحزن والمواساة لأهل الفقيد والدعاء والترحم عليه.
فالاخير أتمنى منكم تشاركوني ارائكم في هذا الموضوع وتجاربكم الشخصية ونشوف رأي الحريم في مجالس العزاء عندهم. وطولة العمر لكم
